‘முத்துநகர் படுகொலை’ ஆவணத் திரைப்படம் ரிலீஸ்!

14

முத்துநகர் படுகொலை’ திரைப்படம் வரும் மே 20-ம் தேதி www.tamilsott.com என்ற இணையதளத்தில் வெளியாக உள்ளது.

2017-ம் ஆண்டு ஜனவரியில் ஜல்லிக்கட்டு தடையை கண்டித்து தமிழகம் மட்டுமின்றி உலகெங்கும் நடந்த போராட்டத்தை நாச்சியாள் பிலிம்ஸ் நிறுவனம் ‘மெரினா புரட்சி’ என்ற ஆவணத் திரைப்படமாக தயாரித்திருந்தது. இயக்குநர் M.S.ராஜ் அந்தப் படத்தை இயக்கியிருந்தார்.

கடும் போராட்டத்திற்குப் பிறகு தணிக்கை பெற்ற ‘மெரினா புரட்சி’ நார்வே, கொரிய நாடுகளில் நடைபெற்ற திரைப்பட விழாக்களில் கலந்து கொண்டு விருதுகளைப் பெற்றது.

தற்போது நாச்சியாள் பிலிம்ஸும், தருவை டாக்கீஸும் இணைந்து 2018 மே மாதம் 22 & 23 தேதிகளில் தூத்துக்குடியில் நடந்த ஸ்டெர்லைட் ஆலைக்கெதிரான போராட்டத்தை ‘PEARLCITY MASSACRE’(முத்துநகர் படுகொலை) என்ற பெயரில் புலனாய்வு ஆவணப் படமாக தயாரித்துள்ளனர். ‘மெரினா புரட்சி’யை இயக்கிய M.S.ராஜ் இப்படத்தை இயக்கியுள்ளார்.

இந்தப் படம் பற்றி இயக்குநர் M.S.ராஜ் பேசும்போது, “இந்த ‘PEARLCITY MASSACRE’(முத்துநகர் படுகொலை) புலனாய்வு ஆவணத் திரைப்படம் உண்மையில் மே 22 & 23 தேதிகளில் தூத்துக்குடியில் நடந்த கொடூர சம்பவங்களை சாட்சியங்களுடன் பதிவு செய்திருக்கிறது. மேலும் அரச  இயந்திரம் செய்த தவறுகளையும் ஆதாரங்களுடன் படமாக்கியுள்ளது.

.துப்பாக்கிச் சூட்டில் இறந்தவர்களின் குடும்பத்தினருக்கு இந்த ஆவணப் படத்தை திரையிட்டோம். வழியும் கண்ணீரை துடைத்தபடியே படத்தை பாராட்டியவர்கள்  விரைவில் நீதி வழங்க வேண்டும் என்று கோரி கையெழுத்திட்டனர்.

தமிழகம் மட்டுமின்றி உலகெங்கும் 32 நாடுகளில் இந்தப் படத்தை திரையிட்டு பார்வையாளர்களின் கையெழுத்துக்களை திரட்டி தமிழக அரசிடம் வழங்க இருக்கிறோம்.  நீதி கோரும் எங்களின் இந்த முயற்சிக்கு, இந்தப் பயணத்திற்கு ஊடகவியலாளர்களின் ஆதரவை பணிவுடன் வேண்டுகிறோம்.” என்று கேட்டுக் கொண்டார்.

இந்த ‘முத்துநகர் படுகொலை’ ஆவணத் திரைப்படம் வரும் மே 20-ம் தேதி www.tamilsott.com என்ற இணையதளத்தில் வெளியாக உள்ளது.

Leave A Reply

Your email address will not be published.