சூதுகவ்வும் 2வில் சத்யராஜ்

15

7 ஆண்டுகளுக்கு முன்பு வெளிவந்த படம் சூது கவ்வும். விஜய்சேதுபதிக்கு அடையாளம் கொடுத்த படங்களில் ஒன்று. இதில் பாபி சிம்ஹா, அசோக் செல்வன், சஞ்சிதா ஷெட்டி, கருணாகரன் உள்பட பலர் நடித்திருந்தார்கள். நலன் குமாரசாமி இயக்கி இருந்தார். காமெடி திருடர்களின் கதை.

தற்போது இந்த படத்தின் 2ம் பாகம் தயாராகிறது. முதல் பாகத்தை தயாரித்த திருக்குமரன் எண்டர்டெயின் மெண்ட் சி.வி.குமாரே இரண்டாம் பாகத்தையும் தயாரிக்கிறார். பிரபுதேவா நடித்துள்ள யங் மங் சங் படத்தை இயக்கிய அர்ஜூன் இயக்குகிறார்.

இரண்டாம் பாகத்தில் நடிக்க விஜய்சேதுபதி மறுத்துவிட்ட நிலையில் முக்கிய வேடத்தில் சத்யராஜ் நடிக்க இருப்பதாக கூறப்படுகிறது. அவருடன் முதல்பாகத்தில் நடித்த கருணாகரன், காளி வெங்கட் ஆகியோரும் நடிக்கிறார்கள். விரைவில் முறைப்படியான அறிவிப்பு வெளியாக இருக்கிறது.

Leave A Reply

Your email address will not be published.